حضيض..
..............
قالتلي "نكتب في كلام
نحكي على افراحي..و أوجاعي
و "هوما" عملولي اتّهام
قالوا شِعري..موش مْتاعي" !!!!!!!!
و قالتلي"برشا ظلموني
وصلوا (في شرفي) اتهموني
لقيت روحي وحدي..ضاموني
و قهروني ببرشا آلام.....
....................
قُلتلها "زيد شد صحيح
اكتب..ما تخزرش وراك
كون جبل ما يهزّك ريح
لازم يمشي الحال معاك
و لو تسمع كلمة وجّاعة
لْوذنك ما تعطيش الطاعة
اصمد و اتحدّى الإشاعة
و لا تستسلم للأوهام"
...................
قالتلي" إيمانك بِيّا
هذاكة عندي المُهم"
قلتلها "غلطة هذيّة
بروحك إيمانك أَهَمْ
وحدك بجناحاتك طِير
لا جْناحي لا جْناح الغير
اكتب ديما مهما يصير
و..في طريقك امشي لْقُدّام"
....................
ودّعتها..و الروحح حزينة
بالفعل..و كأني مْريض
نقول لْروحي زعمة اشبينا
انحدرنا..وصلنا الحضيض
اشنوة معنى..الإبداع
لو ضميرو منّو ضاع
و المبدع لو ..مس القاع
نقولو...على الدنيا السلام...
تعليقات
إرسال تعليق
اترك تعليقا يدل على انطباعك ورأيك بالموضوع