القائمة الرئيسية

الصفحات


ضيعتني

غلطتي آنه الكلت ميخالف
ضيعتني ابير اظلم
وآنه احلف غيرك انته
لا وحك عينك أبد ماوالف
سولفتلي هيج جان أفلان
جان أفلان زايف
وكتلي آنه المشتري
شروة غشيم
وراضي بالعشره
وأبد ماخالف
كلهن ادري اثكال عوز
اوترهمتهن مثل حلم الليل
طايف
وآنه ادريهن جذب ومراوسات
مثل صفتهن أبد ما شايف
كلت أرضه ابكلشي منك بس تعال
كابحتني
وكتلي هذا الليل
موظلمه نهار
وكتلي حجيك
مثل طفرات الغزال
وكتلي عشكك
مثل مطرت صيف
زال
وكلت بأجر مو محال
ينطوي درب المشيته
وآنه اطشهن
طشت التايب حلال
روح ما اريدك ابد
ماريده أبد
انت المحال
شوفتني الليل كمره
وآنه زيزاية وبخت
منكول فال

حمزة راضي الفريجي

Reactions

تعليقات