لو كان
تبكوا الدهر و حتى الدهر ما يكفيكم
و لو كان على قد محبتي عطيطوني
من الحب نصيب راكم فرحتوا و فرحتوني
و لو كان وقت الجرح و الضيم نلقاكم
كيما وقت غصراتكم لقيتوني ديما معاكم
و لو كان يرجع بي الزمان التالي
هالقلب نعجنه بايداي و نمشيه كيف ما يحلالي
و لو كان كنتوا في العشرة صادقين معاي
كي صدقي معاكم طول العمر ما قل هناي
و لو كان كنتو وجيعتي في قلبي حسيتوها
كيما نحس وجايعكم و ما نسمح في قلوبكم تخبوها
و لو كان كي ناديت لقيتكم في جنبي
كيف ما حميتكم بالعين ما كان زاد تعبي
و لو كان يا لو كان ترجعيلي الماضي
والله شطر البشر من قلبي نحيهم المهم قلبي راضي
منى البابوري
تعليقات
إرسال تعليق
اترك تعليقا يدل على انطباعك ورأيك بالموضوع