أخذني أوياك
أخذني أوياك
خبز تنور
وياها أستكانة جاي
لو غيمة مطر
ودث عليك ابليل
زخة ماي
لو صرة ملابس
لون يشبه لون
مغسولة غسل بهداي
أنا الحاير
وأنا الساير
على اجدام العطش
مامش لا ذره
لا فياي
دولبني الوكت
وآنه ابظهاري الصيف
موتني العطش
ويبس لهاتي الناي
أنفخ والونين ايصول
ويجول الردي
ولما حسب طرواي
ازامط بالجرى
والماجرى من ذيج
لو من هاي
أنا السيف
ودرع سياف
وهي الكعبه
عليه أيطوف
كل طواف
وأنه المرسى
على مايي السفن ترسه
وأنه التابوت والكافور
أطهر النكس بالغسله
وأنه الصوت
وصدى حسه
اعرف الماتعرفه الناس
من رسه
وأنه الصوت وصدى حسه
حمزه راضي الفريجي
تعليقات
إرسال تعليق
اترك تعليقا يدل على انطباعك ورأيك بالموضوع