القائمة الرئيسية

الصفحات


 محطات

سكته ابليل
وصنطه ابنص نهار
أنباك مني الحيل
وأنه أمعاتت
أعت ويضوي نجم أسهيل
يكشفني الضوه عريان
حافي لا ذره
ولا حيل
المحطة ابليل
ياخذها رهيج الخوف
لحد هناك
يردها الصوت
ها لولاد
محد ينشغلها ابوسفة المتجول
ويوكف نزيف ايسيل
مامش حيل
وذيابه تصوصي
وتعوي بالتابوت
تكروط كل عظم ودموم
مني أتسيل
مامش حيل
وبعيد ااريل
أسمع من بعيد أجلاب
وعوي اذياب
وجاني الصوت
حس طلاب
أريد الثأر
سن أبسن
وعين ابعين
الفصل ويه الودي مريود
وأنه المطلوب
وجفوفي أبد متوب
كفيت الردن
ورافيت كل الجيوب
وكلت أنته التظل مهيوب
صدر ديوان
عراق انته
الهلا وأنته الكفو
وأنته الأسم عنوان
عراق انته
من ذاك الزمان
للآن
،، صل ما يتكاحم بالهيمه ،،
حمزه راضي الفريجي
Reactions

تعليقات