سَدْ لْسَانِكْ
سَدْ لْسَانِكْ أيَا فْلاَنْ
ما تْزَخْرَفْ بِقَوْلَكْ تَعْبِيرْ
تْغَطي بِهْ لْسَانْ الْحَقْ
والله وَالِي التَدْبِيرْ
مَا نْتَ بِصَنْعَكْ دَايِرْ مْزِيَة
رَاهْ ألْحَقْ يْبَانْ يِبَانْ وَخَ تَغَطِيهْ وَ دِيرْلُ حُسْنْ التَسْيِيرْ
كْلَامْ ألْحَقْ بِيَانْ شْعَاعُ يْضَوِي عَلَى كُلْ مْكَانْ
وَخَا يِكُونْ فِي جُنْحَة الظَلَامْ وَعَزْ الصَرِيمْ
أيَا لَحْكِيمْ مَاعْرَفْتِي بِجَاهْ رَبِي العَلِيمْ
سَايِق بِلْسَانَكْ تَكْوِي لَجْرَاحْ وَ أنْتَ سْقِيمْ
حْسَبْ مَنْ لْيَالِي زْمَانِكْ
شْحَالْ بْقَى رَاهْ بْشَارَة لْمُوتْ
جَايَ تْصِيحْ لِكُلْ دْسِيسْ
كِيفَاشْ خَلَاتَكْ نَفْسَكْ تَرْتَاحْ
تَجْبَدْ أَعْرَاضْ الَنَاسْ وَ نْتَ فَانِي
مَا بْقَالَكْ غِيرْ لَقْبَرْ فِيهْ تْرِيحْ
سَدْ لْسَانِكْ عَلَى سْرَارْ الْخَلْقْ
رَاهْ صْحِيفْتَكْ بِشْرَارْ فْعَالِكْ مَالْهَا نْضِيرْ
تْعَجَبْتلَكْ تْنَقِي مِنْ فْضَايِحْ النَاسْ
بَاشْ تْوَشْوَشْ وَ نْتَ بِلْعَانْهُمْ تْآكَلْ وَتْصِيرْ هْشِيشْ
تعليقات
إرسال تعليق
اترك تعليقا يدل على انطباعك ورأيك بالموضوع