القائمة الرئيسية

الصفحات

يـا نـاسيني وغـايـب عـن عـيـنــي - ليالي أحمد الأسعد

 

يـا نـاسيني وغـايـب عـن عـيـنــي
------------------------------


انا بسأل نفسي كتير دايما
ليه بتغيب عن عيني وتمشي
وتسيبني يوماتي افكر فيك
وعيوني تسهر ماتنامشي
وابعت جوابات وكلام مع طير
يمكن توصلك وتجيلي
وتاخدني في حضنك تحكيلي
عن لون البحر اللي بحبه
أو صوت المطره السهرانه
نسمع مزيكا تكون هاديه
ونخلي دموعنا الحيرانه
تخرج من جوه ل برانا
نتواعد ع الحب ونعشق
ونلون ابيض في سمانا
ونخلي سحاب الدنيا ربيع
أحلام وورود تفرح ويانا
ونعيش ايامنا وليالينا
علي رمله وشط وصوت عصافير
وكمانجه بتعزف في قلوبنا
تعزف اسامينا عـ الموجه
نرقص انا وانت علي الميه
ونحب بجد في تفاصيلنا
نلضم في جروحنا بميت ضحكه
ونخيط روحنا السكرانه
بكاسات م الشوق اللي مابينا
اضحك علي ضحكك والقاني
علي كتفك نمت انا في ثواني


..............................

ليالي أحمد الأسعد
القدس

Reactions

تعليقات