اَلْكَنْزْ
اَلْكَنْزْ يَا نَاسْ هُوَ بِغْنَى لَقْلُوبْ
مَا هُوَ بِخْوَى اَلجُّيُوبْ
وَكْحَلْ اَلرَّاسْ عَمْرُ مَا يْتُوبْ
فِينْ هُوَ الأسَاسْ إِلَا كَانْ الَسَّاسْ مَغْلُوبْ
مْشِيتِي فِي طْريقْ اَلثَّقَلْ وَحَمَّلْتِ رَاسَكْ بِالَذُّنُوب
مَا عْرَفْتِ بِقِيمَة اَلْأَخْلَاقْ غِيرْ هَايِمْ بِينْ اَلدُّرُوبْ
تَسْرَقْ تَغْدَرْ تْخُونْ هَدْ لَخْصَايِلْ تَجْرَحْ لَقْلُوبْ
تَكْذَبْ تْغَشْ مَا تْصُونْ سَوَّلْ حَالِك فُوقَاشْ هَادِي تُوبْ
تْنَمَّمْ تْفَنَّنْ فِي تَشْكِيلْ لَعْبَادْ وَفِي حَالِكْ مَا تْعُوبْ
رَاهْ لِي يْكُونْ فِيهْ عَكْسْ هَدْ لَخْصَالْ مَا يَتَرْمَ بِاَلطُّوبْ
وَبِسُمُوْ اَلْاَخْلَاقْ وَبِفْيَاقْ اَلضَّمِير كُلْ لَعْبَادْ تَحْتَرْمَكْ وَتْنُودْ
حَكَّمْ عَقْلَكْ وَفْهَمْ وَفِي جْهَالْتَكْ رَدْ بَالَكْ رَاكْ تَبْقَى مَنْبُوذْ
تَدِّي صْحِفْتَكْ يَوْمْ اَلْبَعْثْ عَامْرَ بِوْزَارَكْ وفِي جَهَنَّمْ تْذُوبْ
Enter
Sanaa
مع تحياتي سناء ليلاني الفيلالي
اترك تعليقا يدل على انطباعك ورأيك بالموضوع