القائمة الرئيسية

الصفحات

صْبَرْ يَا اَلّصَّابِرْ - سناء ليلاني الفيلالي


صْبَرْ يَا اَلّصَّابِرْ

صْبَرْ يَا اَلصَّابِرْ أَمَالِكْ فِي الله تْرَجَّاهْ
شْحَالْ تَبْلِيتِ فِي اَلدُّنْيَا والْفَرَجْ تَلْقَاهْ
حُرْ اَلنَّفْسْ وَخَّا يْضِيقْ عْليه اَلْحَالْ حَامِلْ كَفُّ يَسْتَعْطَفْ مُولَاهْ
وَقُوتْ وْلَادُ يَوْصَلْ بِقُدْرَةْ رَبِّي فِي عُلَاْه
رَاهْ مَغْلُوبْ فِي أَمْرُ علَى شْنُو قَدَّرْ لُو عَظِيمْ اَلْجَاهْ
مَا نْتَ بِقاَضٍ أَمْرَكْ وَلَا زَايِدْ فِي عَمْرَكْ مَصِيَركْ عَنْدُ تَلْقَاهْ
ابْتَسَمْ وَغَنِّي بِأَلْحَانْ الَتَّفَاؤُلْ عْلَى رَبِّي تَلْقَ مَا تْمَنَّاهْ
سِيرْ فِي طْرِيقَكْ بِاَلْخِيرْ سَانِدْ فْعَالَكْ وَقْوَالِكْ رَاكْ تْرَاهْ
وَخَّى يْقَصْحُوكْ جْرَاحْ اَلدَّنْيَا عِيشْ وَحَيِّى فِي صْدَاهْ
بِاَلْاَ مَلْ فِي رَبِّي وَلَّا بُدَّ يْجِي مَتْوَاهْ

 سناء ليلاني الفيلالي

Reactions

تعليقات