القاهرة فى الليل )
" د.عصام أبودنيا "
... ....
مشيت فى
القاهره بالليل
سمعت صوت
صهيل الخيل
وتحت مادنة الغورى
طلقت فى الفضا بخورى
وشوفتك من
ورا الشبابيك
وغنيت لك
جت المماليك
وحاصرونى..وحبسونى
فى بيت (على بك )
......
ياصاحب البيت الكبير
ﻻ انا فارس و ﻻمملوك
انا شاعر من الصعاليك
بعشق شطوط
حبك يا نيل
والنيل بيجرى
مهما كان الليل طويل..
النيل بيجرى من سنين
من قبل ما يحصوا السنين
النيل بيكشف زيف
الطواغيت القديمة
النيل ميعرفش الهزيمه
والناس بتبني بيوتها
من طينك يانيل
وتداري لوعتها
في طمي العشق
والمواويل
يا ليل يا عين
ياعين يا ليل
النيل بيجري من سنين
من قبل ما يحصوا السنين
النيل بيجري جوا قلبي
أمواجه أشواقي وحبي
وأنت غرامي المستحيل
آه ياغصة العشق النبيل
يا عين يا نيل
ياليل يا نيل
يبكي القمر
علي كتف النخيل
........
مشيت فى القاهرة بالليل
سمعت صوت
صهيل الخيل
وكان المتولى
بيحسبهاعلى بابك
وكنت قاعده ع اﻷسفلت
مسحت بكمى انا ترابك وخدتك تحت ضوء قنديل
.وشوفتك..
جميله قد ايه بالليل
..... .
(د. عصام ابودنيا )
متابعة / روضة الأدباء العرب
تعليقات
إرسال تعليق
اترك تعليقا يدل على انطباعك ورأيك بالموضوع