القائمة الرئيسية

الصفحات


 الفنان


الفنان كتاب مفتوح ............. بيرسم في خياله الطيف

يلون صورة بالألوان .............. جميلة زي نسمة صيف

*****
وينحت في الحجر .... بأزمير وشاكوش ..... زي الكيف

ويتخيل بخبرته وذوقه ..... يجيب ملامح أجمل ضيف

*****
وف الارياف مغني بربابة يحكي .. تقول إن دي تخاريف

وده بيروى ....... قصة جميلة ........ من حكاوي الريف

*****
وده بيمثل وبنضحك له ........ تقول فنان و دمه خفيف

و في دراما تبكي من قلبك ..... وتقضي كل وقت لطيف

*****
وده شاعر يقول اليوم .... كلام كله ... حكم وغزل عفيف

وييجي بكره يتحفنا ...... بقصة أبو زيد المغوار المخيف

*****
و بلياتشو تشوفه بيضحك.. مافيش في جيبه ثمن رغيف

أصل الفنان كتاب مفتوح ........... وكله في مهنته حريف

*****
يموت الضاحك الباكي ومختار ... والعندليب بفن نضيف

ونذكرهم بأعمالهم بصدق ................. مش كلام تزييف

بقلمى عماد ياقوت
متابعة / روضة الأدباء العرب
Reactions

تعليقات