أسمر
من سمارك لون التفاح
وجناته
وشرى الرمان قداحه
وعطرك لوخطف
يتكهرب الصياد
وتنام الحمامه بعشها مرتاحه
وأفرح من أشوفك
لوحلم بالنوم
فرحة من يحصل غفوه بالواحه
وچم شاعر تخورس
من عزف ممشاك
ومن أيده اليشوفك يوگع سلاحه
وآنه
شلون أقاوم نظرتك
ياتين
ياعيد اليفارگ بسمة أفراحه
مسعد گلبي چاظل بالعشگ
لولاك
بس بشوفتك
سهم السحر لاحه
وآدم لوله طعمك
ماجفى الفردوس
وظلت حوا أمنه
بجنه مرتاحه
بس
تفاحه أنته
وشوفتنه الضيم
وكل ضيم البشر
من وره التفاحه
هاشم العربي / كربلاء
تعليقات
إرسال تعليق
اترك تعليقا يدل على انطباعك ورأيك بالموضوع