مهرجان الراحل( سمير صبيح ) في بغداد
،،،
بكل شارع منصه وتعزيه واه
ويم كل باب قطعه وگلب حاير
عليك أتنگب( الداخل) بالاحزان
وجوادر صارت ابيوت (الجوادر)
جبير اهواي جرحك ياكل الروح
وكبر من گالوا ؟ الغائب الحاضر
شزارع ياسمير وهيج سوييت
وعليك الوطن كله دموع صاير
يوم وثاني يوم الجادر انشال
وثالث يوم صار الوطن جادر
مثل بيت الشعر؟ بيت الشعر صار
ينجر خيط خيط،،امن الخواصر
شاعر وره شاعر ،، يأكل الموت
وسره ضلينه نلزم عاالمگابر
سدت بابها اعليك الدواوين
واسود لبست شيوخ العشاير
هنيآ وره نعشك جان يمشون
(ابن مرجع) ( وستالاف) شاعر
روس اكبار اجتك ،، تنعرف بيك
وقرتلك فاتحه ،، بقصد التفاخر
ابو علااان؟؟ وفلان وابو افلان
وبعضهم بسمك ايبيع ويتاجر
ضميرك مارخص يم السلاطين
وشعرك مارخه أبسوك الضماير
غيرك باع روحه ابلذة الليل
وطاحت گصته أگبال الدفاتر
ربعك غازلو جنح الفراشات
وكتبوا حايره؟ وشيجيب باجر
وانته بعز شبابك لابس انطاق
وشعرك غازل الدم والسواتر ؟
جيلك والگبل جيلك يشهدون
والبعدك اجو ؟ واهل المحاضر
كلهم گالوا بشعرك مجسات
تجبر خاطر المكسور خاطر
ماقلدت واحد عالمنصات
الأول؟ ماصرت فد يوم ااخر
المنابر مهرتك ؟ بالمهرجانات
واسمك جان ،، خيال المنابر
اليريد يصير شاعر؟ اله يهجيك
ويحجي اعليك حته يصير شاعر
ورثوك الحاولوا بسمك يصيرون
وعليهم دارة ابذلة الدوائر
ميعبرون شعرك ؟ لو الف عام
(وزينب والكفلهه مايعبرون)
يغرگون ؟ وحلمهم ،، حلم عابر
يربان القصيدة الما تنحييت
وبقيت أبموقفك شاعر وثائر
وبقيت
أبموقفك
شاعر وثائر
شزارع ياسمير وهيج سوييت - محمد كريم الكعبي
تعليقات
إرسال تعليق
اترك تعليقا يدل على انطباعك ورأيك بالموضوع