اَلطِّيرْ اَلْمَجْرُوحْ
آنَا الَطِّيرْ اَلْمَجْرُوحْ
بِقُوَّة اشْجَانِي وَلِّيتْ مَذْبُوحْ
بْغِيتْ نْحَلَّقْ بِاَلْجْنَاحْ
لقِيتُ ثْقِيلْ وَ ِبِهَمِّي لَاحْ
سْنَدْتُ بِاَلرِّيحْ
وَشْوِيَ لْقِيتْ راسِ سَوَّاحْ
طَايِرْ فُوقْ رْيُوسْ اَلْخَلْقْ دَوَّاحْ
نْطَلَّلْ عْلَى اَلرُّوَاحْ
نْشُوفْ شْكُونْ لِي كَايِنْ مَرْتَاحْ
لْقِيتْ غِيرْ صْدَاعْ اَلرَّاسْ فَضَّاحْ
مَا لْقِيتْ حَدْ مَرْتَاح
وَلِّيتْ نْشُوفْ اشْجَانِي وَالُو قْبَالْة اشْجاَنْ اَلرَّوَاحْ
سَنْسْلَة لَحْدِيدْ شَدَّ فِي رَجْلِي مَا بْقِيتْش مَرْتَاحْ
وَلِّيتْ بَاغِي نَرْجَعْ نَحْمَدْ رَبِّي فِي كُلْ صْبَاحْ
خْدِيتْ عِبْرَة عِيشْ بِمَقَادِيرْ اَلدَّنْيَا تَرْتَاحْ
وَمَا تْخَافْ مَنْ مْكَايِدْ اَلْحَيَاةْ رَبِّي فَتَّاحْ
لَا حُزْنْ يِدُومْ وَلَا فَرْحْ يِدُومْ كُلْشِ بِإِذْنُ وَضَّاحْ
سناء ليلاني الفيلالي
اترك تعليقا يدل على انطباعك ورأيك بالموضوع