القائمة الرئيسية

الصفحات


 أنا والدنيا

_ _ _
قلبي من لحزان تسَـوَّى
وأنا نتظاهَر بالقوة
لكن في عُمقي نتلوَى
نعارَك في الدنيا ونكَدْ
..
هذا حالي وهذا إحساسي
رغم حوالي حالي راسي
وعقلي مازالو في راسي
وما زلتْ بعَزمي نعْـتَدْ
..
رغم المحنة والبلية
نا نبقى بالعزم قوية
أنا يسموني ناجية
وربي ينجيني من الهَـدْ
..
نبقى كيف الطودْ العالي
والرحيم يسقم حالي
ويحقق ماهوْ في بالي
ويختملي بالخير يـقَـدْ
..
محتاجة لرضايَةْ ربي
ولدعوة لميمة جنبي
بيهم نايا يسْعَدْ قلبي
والغيرْ ما نحتاج لحَـدْ
..
يا ربي احفظ لميمة
خليها في حياتي ديمة
تسقيني كي نعت الغيمة
وانا برضاها نسعَـدْ
_ _ _
ناجية فتح الله
Reactions

تعليقات