القائمة الرئيسية

الصفحات


فى الختام مني السلام

 وقلت لي قبل البعاد
انا عيني ميه وكتفي زاد
 دوقتني طعم الوداد
وفجأة هجرك فاض وزاد
وخلفت ميت مليون ميعاد

ما تكفنيش نص المشاعر او قليل
منها يادوب هيبل ريقي او دليل
انك لفارس قلبي بكتيره البديل
والحب يتمرجح على احساس هزيل
يسقط يموت او يتكسر ويعيش عليل

ما تكفنيش كلمة بحبك من زمان
محتاجة احساس الكرامة والامان
وضمة الروح الهفيفة والحنان
ولقمة نقسمها سوا ودفا المكان

رافضة انا فتافيت هواك
 وبواقي نظرة تهزني
ما بحسهاش الا معاك
طب مين حبيبي يحسني
انا النجوم فى غيوم سماك
 احساسي بيك هيدلني

ومن سنين بلضم مشاعري المبهرة
ف خيوط حنين ولا كنت ابدا مجبرة
ارمي السنين واملا بحنيني المحبرة
واكتب ميثاق بحروف عبق ومزهرة

 وف الختام مني السلام
 لملم حروفك والكلام
 واعمل لهم قبر ومقام
 وضروري ازورهم ف المنام

بقلمي
ناهد الموجي
شاعرة مصرية

 

Reactions

تعليقات