القائمة الرئيسية

الصفحات


كرونا

الموت ما يخطي الغني وياخذ فقير
والجوائح بلوه ما إلها نظير
بالقصر والكوخ نفس النايحات
الطين والبلور وتراب الحصير
أبنادم شكّد مرَّت بعمره صعاب
بس وباء كرونه مجهول وخطير
السبب ما معروف لكن مو محال
أببتك أبقه ولا أتصير أنته ا لخبير
الصين منكوبه أووصل بيها القرار
أتحدت وقصمت ظهر هذا البعير
وأحنه لا زلنه فقدنه امن الوباء
اهواي بس الغانمه أتحز بالضمير
الناس توصل للتربده بكل ذكاء
واحنه معروفين نزحف للأخير
الموت والشيطان واولاد ال(حرام)
أتحزموا والدوله ماتدري أشيصير
التمت الحيتان تاكل بالزغار
ومهرجان الخوف يتحدى المصير
ومن خياله يخاف كّام أبن العراق
ونارهم تختار ياجنح الكّصير
وبالنخل خازوق دكّوا عالتراب
وتاهت أشعار الفرزدق من جرير
وصرنه عار بوسط عار
وأنكر الاصوات ظل صوت الحمير
أسيوفنه أتلوح أبضراوتها السحاب
وتنحني أكّبال اليسمونه امير
أتخورست كل الشفايف بالكلام
وجم ضمير أيصير للظالم نصير
بكل وضوح انشوف متروسه البيادر
حنطه بس ناكل أشعير
ومثل سيف أخليف صرنه بهالبلاد
تشوف كلشي أعيونه ومابينه خير
وموش كل أجناح ينعد عالطيور
أجناح شاهينه أبسمانه و ما أتطير
أبنادم ابهذا الوطن جدآ رخيص
وصرنه محكومين بوشالة ضمير

خلف المناصير : شاعر وكاتب عراقي 

 

Reactions

تعليقات