القائمة الرئيسية

الصفحات


بمناسبة الجولة المكوكية للمسؤولين في دول الخليج للاستجداء بعد ان نهبوا خزينة الدولة
---------------------------------------------
ياوطن يابو الخبز شنهي دويت !!!
وگمنه نستجدي يوسفه من الكويت
اللفو جونه ... وهمه صارو آهل بیت
ال گبل چانت .... ريحة منهم فايحة

صرنه نستجدي الغرب ونوطي راس
وگبل عدنه خشوم میمض بیها فاس
وین ابو الحسنین بس عندي التماس
تشور بهاي الحكومة ..... ال دايحة

فرغو بير النفط ........من النفط
عدهه ساستنه حلگ یشفط شفط
عدنه کل مسؤل... حاير بالخمط
ذبَّح الفقرة .... وقراهه الفاتحة

هسه لو عالنفط هم سهلة تهون
باگو الکحله یربعي من العيون
عدنه ساسة بالخمط يتفننون
النگطه کلش من گصصهم طایحة

وفوگ کل هذا وبعد عدهم لسان
صار عنتر کل سگط واصله جبان
گاعد یصرح..... خنيث البرلمان
ال چان مایعرف حچایه البارحه


الشاعر حاتم احمد الهاشمي
Reactions

تعليقات