صفر ومعادش شر..
نحب العدد صفر
ونعشق تحليل السلبي
ياربي بينا تستر
هالداء مرجلي قلبي
مرجة والمطعم مر
كرونة أشنية ذنبي
ماتسمع كان ثمة خطر
والشي حذانا متخبي
يا ربي بينا تستر
فدينا رانا من الكبي
ولينا نعيشو في السر
والهملة هذيكا طلبي
نفرح كي ثمة خبر
نتهني ويزهي بالي
كي يقولو العدد صفر
نتنعوش ويطلع مورالي
الحمد لله هاو طار الشر
الفضل للكريم العالي
رفق بينا جميع البشر
وجلي الهم علينا لتالي
غدوة علي الاحباب نمر
عندي مدة وأنا وحداني
كنت نعيش في الخطر
متوحش لمة جيراني
كي يطير علينا الشر
ننسي كي كنت نعاني
باسم الله الله اكبر
كرونة بربي أنساني...
شريف بن محمود العرفاوي...
تعليقات
إرسال تعليق
اترك تعليقا يدل على انطباعك ورأيك بالموضوع