ابزمن صدام رحت امودع افلوس
گلت بلچی الاربح منها احصل
لگیت البخت ثاري صاير اتراب
من سماسير العصر ياوسفه وانزل
وبس اهل الخرگ حكموني هاليوم
واگف عالضريح ايبيع الاقماش
وصل خضره وابيضه اوسود احصل
لوذيج البدع ومن عدها اشكال
روح اوشوف ماريد الاچمل
وحتی الحصه راحت منك اليوم
وحكام الشعب رادوله الذل
وبذاك الوكت افلوسي تنقاس
اشري ابيوت بيها وكلشي الاعمل
واتودع افلوسك التستثمر اتريد
المصارف تضحك اعلينه ولا اتمل
اليساهم من يودع ماله ينباگ
ولعند السحب التلگاه یچمل
لان کلها لصوص وتسرق اترید
تعالو اويأي بالله انطوني الحل
اذا دولة وعلم ماعدها قانون
وكل قانون عدنه انشوفه منحل
وفرهود اصبحت والناهب ارتاح
وحرامي وي حرامي الصار يقبل
والرشوه اعلنت بالفايز اتكون
وبكل الدواير ماهي تنمل
والشرطي تشوفه املك عمارات
وسيارات عنده وخطها يشمل
ولوسايق العنده تعمل اتكون
ومن خير الكلام الانته حلل
و لن ملاچ یصبح وانته الاتشوف
بسد ضباط اله الاتحسه يختل
واليدخل الحوزه من يحاچیه
کل اشغاله تگضي بكيفه يكفل
وحرامينه التعمم حاكم اعليك
لا حقك يجي من دبش يقبل
وماضل خير الينطينه الحگ
ولاضلت مضايف وانته اسال
كلها اتريد منك تكسب اتشوف
والاقطاع يرجع حاكم الكل
وفلوسك يصابر ضاعت ابساع
وبعد منين تاخذ لوتحصل
-----
متابعة / سلام سالم رسن
تعليقات
إرسال تعليق
اترك تعليقا يدل على انطباعك ورأيك بالموضوع