سامحتهم كلهم الطعنوا گفاي
لأن اغسل منغسل طبعي آنه ماي
آنه ماي وعاشرت طين الجروف
لا نزل قدري ولا قل مستواي
ويه بعض الناس ما أرهم محال
موش كلمن عنده ريش إيطر سماي
موش أحسن مني بس گدامي صير
لأن طبعي دوم ما أعاين وراي
طيبتي وگلبي ونيتي الكلهه بيض
هواي وادم عاشت إبنص مستحاي
هواي وادم ما تسلم من تفوت
وهي چانت ومضة تطلب من ضواي
الميت أبوجهه الخجل تعتب عليه
الما يسوگه مرضعه تنفعه عصاي
آخ گلبي العلمتهه أعله الصحيح
هسه كلهه گامت أدور خطاي
هسه كلهه تبيعني .. الما عنده سوگ
وهي چانت کلهه ملکي ومن شراي
لا تعلمه أعله الحچي العاشر مضيف
ولا تشوره بأمرك الما عنده رآي
لا تمد الشوف للحبله گصیر
ولا تكثر أدموعي وترخص بچاي
الباب هاليوسع جمل كلش جبير
الدنيه من تجفي فلا گلهه تعاي
هي هاي الدنيه ساعة وساعة ليل
وما تهمني إن چان ذيچ إن چان هاي
آنه ماي وعاشرت طين الجروف
لا نزل قدري ولا قل مستواي
ويه بعض الناس ما أرهم محال
موش كلمن عنده ريش إيطر سماي
موش أحسن مني بس گدامي صير
لأن طبعي دوم ما أعاين وراي
طيبتي وگلبي ونيتي الكلهه بيض
هواي وادم عاشت إبنص مستحاي
هواي وادم ما تسلم من تفوت
وهي چانت ومضة تطلب من ضواي
الميت أبوجهه الخجل تعتب عليه
الما يسوگه مرضعه تنفعه عصاي
آخ گلبي العلمتهه أعله الصحيح
هسه كلهه گامت أدور خطاي
هسه كلهه تبيعني .. الما عنده سوگ
وهي چانت کلهه ملکي ومن شراي
لا تعلمه أعله الحچي العاشر مضيف
ولا تشوره بأمرك الما عنده رآي
لا تمد الشوف للحبله گصیر
ولا تكثر أدموعي وترخص بچاي
الباب هاليوسع جمل كلش جبير
الدنيه من تجفي فلا گلهه تعاي
هي هاي الدنيه ساعة وساعة ليل
وما تهمني إن چان ذيچ إن چان هاي
----------
متابعة / سلام سالم رسن
تعليقات
إرسال تعليق
اترك تعليقا يدل على انطباعك ورأيك بالموضوع