وياك اجّمِع
كل مواعيدك شمع حد ما اذوب
مو بعدني
وياك اترجه الندا من عيون صبحك
وارجع ابجيك الغروب
منين اجيبك سيف وتعاشر اضلوعي
خاطر اشما تنبرد ترجع جديد
ومنين اجيبك ريح واتيَّبس اعيوني
حته من توكف ادموعي
يرتفع صوت الظلام اعله النشيد
انه مدري اشلون شبّكني الدرب غفله وتبعتك
وانه ما اكدر الوم الذكريات البيها جنت اجناح ماطار ابسفرتك
وحته مالومن عبوديتي ابسجن مفتاحه ضاع ابّيربَختك
ياصنم مرني اعله جتفه شايل اطيور القيامه
ويركع ابمحراب ذلتك
وياجرح نهرانه دنيا
من طحت من كلبي خشبه شككتني وماكسرتك
يمته ادّوّر كل مسافات السنين والكه باجر
ويمته اشوفن واحد امكمط ضميره
وصافن ابوجه الدفاتر
ويمته اسد شباج ظهري
بلكي من بابي يجيني الموت واتلكه الخناجر
استحي من اطفال جرحي
لو ابن عيني طلع يركض عليك
لابس ادروعك عليمن
ونته بستان الخواتم خضر وعشعش بديك
يارصاصه الشكت اعيون السما وتكفر تجيك
وهنه جم طلقه واكللك دخيل
حافر ابكلب المنايا ساتر وجفك يميل
وانه عكازه ابّحر
بس من اطيح
اغرف الياقوت من كنز القوافي
وامشي فوك المستحيل
واوكف اكبالك واكلك
لاتضن بالدنيا شاعر
يفرش اوراقه وجروحه وينتظر عابر سبيل !
كل مواعيدك شمع حد ما اذوب
مو بعدني
وياك اترجه الندا من عيون صبحك
وارجع ابجيك الغروب
منين اجيبك سيف وتعاشر اضلوعي
خاطر اشما تنبرد ترجع جديد
ومنين اجيبك ريح واتيَّبس اعيوني
حته من توكف ادموعي
يرتفع صوت الظلام اعله النشيد
انه مدري اشلون شبّكني الدرب غفله وتبعتك
وانه ما اكدر الوم الذكريات البيها جنت اجناح ماطار ابسفرتك
وحته مالومن عبوديتي ابسجن مفتاحه ضاع ابّيربَختك
ياصنم مرني اعله جتفه شايل اطيور القيامه
ويركع ابمحراب ذلتك
وياجرح نهرانه دنيا
من طحت من كلبي خشبه شككتني وماكسرتك
يمته ادّوّر كل مسافات السنين والكه باجر
ويمته اشوفن واحد امكمط ضميره
وصافن ابوجه الدفاتر
ويمته اسد شباج ظهري
بلكي من بابي يجيني الموت واتلكه الخناجر
استحي من اطفال جرحي
لو ابن عيني طلع يركض عليك
لابس ادروعك عليمن
ونته بستان الخواتم خضر وعشعش بديك
يارصاصه الشكت اعيون السما وتكفر تجيك
وهنه جم طلقه واكللك دخيل
حافر ابكلب المنايا ساتر وجفك يميل
وانه عكازه ابّحر
بس من اطيح
اغرف الياقوت من كنز القوافي
وامشي فوك المستحيل
واوكف اكبالك واكلك
لاتضن بالدنيا شاعر
يفرش اوراقه وجروحه وينتظر عابر سبيل !
--------------
متابعة / سلام سالم
تعليقات
إرسال تعليق
اترك تعليقا يدل على انطباعك ورأيك بالموضوع